Perevod: Aydin Bazarbaeva
Jan’a veb-sayt, Apattan tıs ko’riw (beyondcatastrophe.com/kaa), logotip ushın tan’law o’tkerip atır! Biz jası (30 jasqa shekemgi ha’m 30 jas) Aral ten’izi aymag’ında (Qaraqalpaqstan, Xorezm ha’m Qazaqstandag’ı Qızılorda ha’m Aqtobe oblastları) jasawshı jaslardı veb-sayt ushın logotip dizaynı ha’m keleshektegi ba’rshe usıg’an baylanıslı proektlerge shaqıramız.
Bizin’ maqsetimiz- Aral ten’izi aymag’ında Apattan tıs ko’riwge ha’m keleshekti shig’armashılıq elesletiwge umtılatug’in jobalar, waqıyalar, ma’deniyat ha’m resurslardı toplaw ha’m bo’lisiw. Biz to’rt u’lken ha’m ahmiyetli temanı yadta tutatug’in ha’r qıylı ko’zqaras ha’m ideyalardı usinamiz: U’y, Tariyx, Baylanıs ha’m Qiyallar.
Sıylıqlar
Birinshi orıng’a: 300.000 o’zbek swmı ha’m AQShtin’ u’lken sıylıqlar toplamı ha’m “Sayt haqqında” veb-sayt betinde atı, fotosuwret ha’m qısqasha biografiyası.
Ekinshi orıng’a: 200.000 swm ha’m AQShtin’kishi sıylıqlar toplamı
U’shinshi orıng’a:100.000 swm.
Barlıq qatnasıwshılar sertifikat penen qoshametlenedi ha’m olardın’ atları, fotosuwreti, qısqasha qatnasıwshı haqqında mag’lıwmat ha’m dizaynı veb-saytımizg’a kiritiledi.
Qag’ıydalar
- Ha’mme jumısın’iz o’zin’izge tiyisli bolıwı kerek. Siz jup benen islesen’iz boladı-eger jen’impaz bolsan’ız sıylıqtı ten’bo’lisiwin’iz kerek boladı.
- Iltimas veb-sayttin’ “Sayt haqqında” betin ko’rip shıg’ın’ ha’m dizaynın’izg’a veb-sayt ruwxın sa’wlelentirin’ (https://www.beyondcatastrophe.com/about/kaa)
- Dizaynın’izg’a taslap ketilgen/ tat basqan qayiqlardın’ suwretlerın yaki Aral ten’izi konturları ( ha’r qanday jılda) kiritiliwi mu’mkin emes.
- Dizaynlar kishi ko’lemde (ma’selen, instagram logotipı) yaki u’lken ko’lemde ( ma’selen ta’dbirler ushın banner) islewi kerek. Eger qa’lesen’iz eki tu’rli ko’riniste qiliwin’iz mu’mkin, biri ken’ko’lemde paydalanıw ushın, biri kishi ko’lemde paydalanıw ushın.
- Dizayn jo’nelisinde shig’armashılıq xoshametlenedi.
Tapsırıw
Iltimas to’mendegi materiallardı info@beyondcatastrophe.com elektron ma’nziline 17-dekabr, juma saat 23:59 g’a shekem jiberin’:
- Joqarı anıqlıqtag’ı suwret.
- Dizaynın’iz tuwralı qısqasha mag’lıwmat (100-200 so’z) ha’m ne ushın ol bizin’ veb-saytımızg’a mas keledi dep oylaysız. Inglis, rus, o’zbek yaki qaraqalpaq tillerinde jazıwın’ızg’a boladı.
- Avtobiografiya (50-100 so’z)
- O’zin’izdin’ son’g’ı suwretin’iz (ıxtıyariy)
- Elektron pochta xabarda iltimas to’mendegilerdi kiritin’: atın’ız, jasaw ma’nzilin’iz ha’m baylanıs mag’lıwmatların’ız (telefon nomer, elektron pochta ma’nzili, Instagram akkauntı, Telegram akkauntı)
Tan’law kriteriyası
Dizaynlar Beyond Catastrophe toparı tarepinen ko’rip shig’adı: Kate, Sakson, Niko ha’m Nora (olardı biosları tuwralı https://www.beyondcatastrophe.com/about/kaa). Olar jen’impazlardı 2021-jildın’ 31-dekabr sa’nesine shekem to’mendegi kriteriya arqalı tan’laydı.
- Dizaynlar sanlı bolıwı mu’mkin yaki bolmawı da mu’mkin.
- Dizayn “Seeing Beyong Catastrophe” proektin ha’m qa’diryatların sa’wlelendiredi.
- Dizayn original, yag’nıy dizaynnın’ birde bir komponenti basqa resurslardan ko’shirilmegen.